İstixanada alaq otlarının qarşısının alınması

Aqrotekstil

Fiziki səylərin işçilərin enerjisini asanlıqla tükətə biləcəyi istixana sənayesində xərcləri azaltmaq və rəqabət üstünlüyü əldə etmək üçün daima effektiv proses və həllər tətbiq etmək vacibdir. Əkinçinin alaq otlarına sərf etdiyi enerji və vaxt çox böyükdür. Alaq otları torpaqdakı bitkiyə faydalı qidalardan bəsləndiyi və ziyanvericilərin yayılmasına səbəb olduğu üçün istixanalarda alaq otlarının daimi olaraq təmizlənməsi lazımdır. Torpaqsız istixana, müasir ştillik və tingliklərdə yer örtüyünün quraşdırılması yabanı otların böyüməsinin qarşısını almaq üçün ən effektiv həll yoludur.

Yer örtüyü nədir?

İstixana yer örtüyü (torpaq toru, alaq baryeri, torpaq örtüyü kimi də bilinir) ticari istixana, müasir ştillik və tingliklərdə alaq otlarının böyüməsini dayandırmaq üçün geniş istifadə olunur.

Torpaq örtüyü eyni zamanda məhsulların sağlam böyüməsi üçün lazım olan suyun, havanın və qidaların qorunmasına imkan verir.

Torpaq örtüyü toxunmuş polipropilen rafiya və xüsusi landşaft parçasından istehsal olunur. İki fərqli ağırlığa sahib torpaq örtüyü var: 105 və 130 qram. Standart eni 1.05, 2.1, 3.3, 4.2 və 5.25 metrdir. Asan və sürətli quraşdırma üçün xüsusi ölçülər də sifariş etmək mümkündür.

Bazarda qara, ağ, yaşıl, qırmızı, mavi və s. kimi müxtəlif rəngli torpaq örtükləri mövcuddur, lakin hər rəngin özünəməxsus təsiri olduğu üçün istifadəçilər örtük seçərkən diqqətli olmalıdırlar. Rəng bitki və istixana tələblərinə uyğun olaraq seçilməlidir. Aşağıda ən çox istifadə olunan dörd rəngin təsirlərini öyrənə bilərsiniz:

1. Ağ. Ağ rəngli torpaq örtüyü istixanalarda işığın əks olunmasını artıraraq, daha güclü bitkilərin yetişməyinə imkan verir.

2. Qara. Qara torpaq örtüyü su və havanın daha yaxşı keçməsinə imkan verir.

3. Ağ-Qara. Ağ rəngli tərəf işığı əks etdirir, yer örtüyünün qara tərəfi isə torpaqla təmasda olaraq gün işığının keçməsinin qarşısını alır.

4. Yaşıl. Ot mənzərəsi effekti verən bu rəngarəng torpaq örtüyü istixananın görüntüsünə üstünlük verən yetişdiricilər tərəfindən seçilir.

Yer örtüyü hansı bitkilər üçün istifadə edilə bilər?

İstixanada hansı məhsulun yetişdirildiyi vacib deyil, torpaq örtüyü istənilən məhsul üçün istifadə edilə bilər. Bundan əlavə, torpaq örtüyü sərt meyvələrdə (şaftalı, gavalı, ərik və s.), Sitrus, alma və xırda meyvələrdə, böyürtkən və albalıda, eyni zamanda ştillik və tingliklərdə istifadə edilə bilər.

Niyə istixana yer örtüyündən istifadə etməlisiniz?

Torpaq örtüyünün ən vacib üstünlükləri:

1. İstixana döşəmənizi səliqəli və təmiz vəziyyətdə saxlayın. Yer örtüyünün istixanalara quraşdırılmasından sonra daha gözəl görünür. İstehsalçılar üçün müştəriləri və qonaqları təmiz istixana ilə qarşılamaq, satışları asanlaşdırmaq və marka imicini artırmaq hər zaman çox vacibdir.

2. Alaq otlarının böyüməsini dayandırın. Yer örtüyü güclü tərkibi sayəsində bitkilər üçün əsl təhlükə olan alaq otlarının cücərməsinin qarşısını alır.

3. Torpağı düzgün saxlayır. Torpaq örtüyünün su filtrləmə funksiyasının iki üstün cəhəti var. Birincisi, istixananın döşəməsində artıq gölməçələr yaranmır. İkincisi, su, qida və digər vacib maddələr torpaq örtüyündən keçir. Üstəlik, günəş işığı da torpaq örtüyündən keçir, torpağın təbii tarazlığına zərər vermədən toxumların böyüməsi üçün nəmli və isti bir mühit təmin edir. Bu funksiya əkinçiliklə məşğul olan və ya aqroekologiyaya dəyər verən yetişdiricilər üçün xüsusi önəm kəsb edir.

4. Uzun ömürlü dizayn. Yüngül olmasından əlavə, quraşdırılmasıda olduqca asandır. Üstəlik, örtük olduqca davamlıdır. Yəni yer örtüyü işçilər və ya istixana maşınları tərəfindən zərər görməyəcəkdir.

Tuta Absoluta haqqında bilməyiniz
lazım olan hər şey

Şərh Yazın

Emailiniz dərc olunmayacaq. Zəruri sahələr * ilə qeyd olunub

İstixanada alaq otlarının çıxmasının necə qarşısını almaq olar?

Digər məqalələr

Tuta Absoluta haqqında bilməyiniz lazım olan hər şey

Tags